Денес и официјално започна со асфалтирање на дел од локалниот пат Ростуше-Велебрдо на место викано “Кај Костен“. Инаку овој дел од патот беше во лоша состојба и во континуирано пропаѓање посебно во текот на последните неколку години после неговата рестврација.

Токму поради овој факт Општина Маврово и Ростуша, навремено реагираше и излезе со предлог проект за санирање на изместениот дел од патот. По пат на јавна набавка беше избран најповолниот понудувач – фирмата ИМАКО, која започна со изведба на работите и со асфалтирање на патот.

Средствата со кои се финансира овој проект се обезбедени од буџетот на Општина Маврово и Ростуша.

Во рамките на проектот “Јакнење на меѓуетничкиот дијалог во општините”на 2 јуни 2010 година во Домот на Културата во село Ростуше ученици од основните училишта „Ѓорѓи Пулевски“ од  Ростуше и „Јосип Броз Тито“ од  Жировница  одржаа  јавна презентација на изработено портфолио, на тема „Што знаеме за Река“. На почетокот на презентацијата пред присутните ученици, родители и гости со поздравен говор се обрати градоначалникот на Општина Маврово и Ростуша Г-дин Мукрем Мехмеди.